شهر رمضان المعظم والمسجد الحرام

الحمد لله لسه راجع من العمرة وقضيت خمسة أيام من افضل الايام اللى ممكن الواحد يقضيها فى حياته في المسجد الحرام، وما ادراك ما المسجد الحرام، ذهبت للمسجد الحرام فى اخر خمسة ايام فى رمضان وصليت الجمعة الاخيرة في رمضان وصليت العيد كمان وعشت فى جو ايمانى جميل بس الغريب الزحمة الغير طبيعية تحس انك فى يوم الحشر بحس ان كل سنة فيه زحمة عن السنة اللى قبلها.. الحقيقة التوسعات شغالة وربنا يزيد ويبارك بس مش عارف ليه انا حاسس ان التوسعات دى اصغر بكتير من حجم الزيادة فى اعداد الناس اللى بتروح كل سنة!!

حاجة كمان كل سنة وانا هناك مبحسش بغربة ابدا هتقولوا علشان انت فى بيت الله الحرام ..ممكن.. لكن السبب الحقيقى كمية المصريين اللى رايحيين لتأدية مناسك العمرة والتمتع بالصلاة فى المسجد الحرام بحس وانا فى الحرم انى فى مصر، منظر الناس فى الحرم منظر مهيب، الحرم المكان الوحيد اللى لما تروحه مرة قلبك يفضل متعلق بيه وعاوز يرجع له تانى.

الحمد لله ربنا اكرمنى بفضله ونعمه عليا انى رحت الحرم ستة مرات من رمضان 1428هـ اللى فات لحد رمضان 1429هـ حجيت مرة وعملت تلات عمرات ليا وعمرة لجدى والد والدى وعمرة لجدى والد والدتي رحم الله اجدادى وحفظ وبارك والداى الغاليين، لما بروح مكة وبشوفها كلها جبال بحس بمدى الجهد والتعب اللى شافه الحبيب صلى الله عليه وسلم واصحابه رضي الله عنهم وارضاهم علشان يوصل لينا الدين الاسلام بسهولة ومكنش فيه ولا عربيات ولا اسفلت ولا تكييف ولا اى حاجة صحراء جرداء شديدة الوعورة ربنا يجزيهم خير الجزاء.

ميه زمزم دى حكاية بير ميه قاعد ينبض بالميه من مئات السنين تتعاقب الاجيال عليه وكل الدنيا بتشرب منه ومش عاوز يخلص ومش هيخلص ابدا ميه كلها بركة حتي ان العلم الحديث اثبت ده، فقد أثبت العلم الحديث أن ماء زمزم يختلف عن جميع أنواع المياه في العالم وأن فيه تركيبات ربانية خصه الله بها ولم يتوصل أحد إلى سرها رغم معرفة مكوناتهاومنذ سنوات أجرى الدكتور محمد عزت المهدي، أستاذ الجيولوجيا بمعهد الدراسات والبحوث البيئية – جامعة عين شمس بمصر – أبحاثاً تؤكد أن ماء زمزم ينفرد بخصائص تميزه عن جميع أنواع المياه في العالم. من بين هذه الخصائص التي أشارت إليها الدراسة:أنه لا يتعفن ولا يتعطن، ولا يتغير طعمه أو لونه أو رائحته، وأنه في هذا مثل عسل النحل، الذي لا يتأثر بتعرضه للجو، مختلفاً في ذلك عما يحدث لجميع أنواع المياه الأخرى، مثل مياه الأنهار والبحار والأمطار والمياه الجوفية، ويرجع ذلك إلى مكوناته الكيميائية، التي تمنع نشاط الجراثيم والبكتيريا والفطريات!!!

سبحان الله الحي الذي لا يموت

سبحانك اللهم و بحمدك اشهد أن لا الله إلا أنت أستغفرك و أتوب إليك

وللحديث بقية إن شاء الله...